Mario Balotelli thuajse asnjëherë nuk mund t’i shmangë kundërthëniet, ndërsa veprimi i tij më i fundit është thyerja aparatit të një fotografi.

Sulmuesit italian nuk i ka pëlqyer zëvendësimi në ndeshjen e të shtunës ndërmjet Brescias dhe Genoas. 29-vjeçari u zëvendësua në minutën e 72-të, ndërsa në vend të tij u inkuadrua Alfredo Donnarumma dhe ky zëvendësim ishte për fat të keq të fotografit Massimo Lovati.

Derisa po largohej, Balotelli e ka goditur fotoaparatin që ndodhej i vendosur në një tripod në pjesën e jashtme të fushës. Lovati ka publikuar fotografi të aparatit të tij në Instagram duke treguar për dëmtimin që i është shkaktuar nga futbollisti.

https://www.instagram.com/p/B4GQzwqoJRk/

“Kur z. Balotelli u ftua drejt bankës, ai e përdori fotoaparatin si top futbolli dhe goditi drejt tabelave reklamuese. Djaloshi i topave që e pa duke ndodhur, menjëherë më thirri që të ma shpjegonte”, ka shkruar mes tjerash fotografi në Isntagram.

Më tej, ai ka theksuar se do t’ia dërgojë Brescias faturën e shpenzimeve dhe se tashmë e ka njoftuar drejtorin Edoardo Piovani lidhur me veprimin e Balotellit. /Telegrafi/

https://www.instagram.com/p/B4FxIMhIS4E/?utm_source=ig_embed