Ballkani ka marrë një fitore shumë të rëndësishme në garën për titull, duke mposhtur në shtëpi Dukagjinin me rezultat 2-1, në kuadër të xhiros së njëzet e shtatë në Superliga e Kosovës. Gjithashtu fitore kanë realizuar edhe Llapi e Gjilani.

Skuadra nga Theranda ka dominuar në posedim, por ndeshja ka qenë e hapur me raste nga të dyja palët. Epërsinë e ka sjellë Almir Kryeziu në minutën e pesëdhjetë e dytë me një gol të bukur pas një aksioni të shpejtë. Mysafirët kanë reaguar dhe e kanë barazuar në minutën e shtatëdhjetë e pestë me Albion Pllanën. Kur dukej se ndeshja do të mbyllej baras, në kohën shtesë (90+5’) Bleart Tolaj ka realizuar golin e fitores për Ballkanin.

Me këtë triumf, Ballkani ngjitet në vendin e parë me dyzet e tetë pikë, ndërsa Dukagjini mbetet i gjashti me tridhjetë e katër pikë.

Në ndeshjen tjetër, KF Llapi është kthyer te fitoret duke e mposhtur Ferizajn me rezultat minimal 1-0. Golin e vetëm të takimit e ka shënuar Muhamet Hyseni në minutën e dyzet e tretë. Llapi ka pasur më shumë raste, por edhe Ferizaj ka rrezikuar me kundërsulme. Të dy skuadrat tashmë kanë nga tridhjetë e dy pikë, me Ferizajn në vendin e shtatë dhe Llapin në të tetin.

Fitore të rëndësishme ka shënuar edhe Gjilani, që e ka përmbysur rezultatin ndaj Prishtina e Re për të fituar 2-1. Vendasit kanë kaluar në epërsi herët me Cheick Doukoure (3’), por Gjilani ka reaguar me golin e Robert Rrahmanit në minutën e tridhjetë e nëntë.

Në fund, pas një penalltie dhe me një lojtar më shumë në fushë, Senad Jarovic e ka realizuar golin e fitores në minutën e tetëdhjetë e gjashtë, duke shënuar edhe golin e tij të trembëdhjetë këtë sezon.

Gjilani tani renditet i treti me dyzet e dy pikë, ndërsa Prishtina e Re mbetet në vendin e fundit me njëzet e katër pikë./rtk