Atletico Madridi ka shënuar fitore si mysafir ndaj Rayo Vallecanos me rezultat 1-0 në kuadër të javës së 29-të në La Liga, që është e pesta me radhë.

Pjesa e parë ishte shumë e zbehtë, me të dy skuadrat që nuk rrezikuan pothuajse asnjëherë portat kundërshtare.

Ndërsa pjesa e dytë ishte më atraktive, me Atleticon që në rastin e parë serioz arriti të shënojë.

Zhvillohej minuta e 49-të, kur Joao Felix asistoi te Koke i cili shënoi për 1-0.

Pas tij rrezikoi edhe Antoine Griezmann, por që nuk arriti të shënojë.

Rastin më të mirë për vendasit e kishte Mario Suarez, por portieri Jan Oblak ishte në vend.

Në minutën e 85-të, Los Colchoneros mbeten me dhjetë lojtarë në fushë, pasi që Angel Correa u ndëshkua direkt me karton të kuq.

Me këtë fitore Atletico Madridi mbetet në pozitën e katërt me 54 pikë, ndërsa Rayo Vallecano është e 13-ta me 32 pikë.