Arsenali mposhti Liverpoolin me rezultat 3-1 në ‘Emirates Stadium’ në kuadër të xhiros së 23-të në Premier League.

Pas ndeshjes Arteta pati një deklaratë të jashtëzakonshme, shkruan Arbresh.info.

Arteta fillimisht vlerësoi lart performancën e skuadrës së tij dhe atmosferën në ‘Emirates Stadium’.

“Ishte një lojë e jashtëzakonshme. Një paraqitje e jashtëzakonshme nga lojtarët dhe njerëzit tanë. Kjo është atmosfera më e mirë që kam parë gjatë gjithë sezonit”, ka deklaruar Arteta.

Ai tutje foli për rrjedhën e lojës se si ndikoi pranimi i golit në fund të pjesës së parë.

“Ne duhej të shkonim në një nivel tjetër dhe mendoj se lojtarët u përgjigjën. Nuk mund të jem më krenar. Panimi i golit na ndikoi shumë. Por, nuk mund të të vijë keq për veten kundër këtij ekipi. Ne morëm kontrollin e lojës pas 10 ose 15 minutash vuajtjeje”, shtoi ai.

Arteta u shpreh se Arsneli është në formën më të mirë deri më tani.

“A ishim në më të mirën tonë? Absolutisht. Këtë e kemi treguar sot. Për të qenë më të mirët dhe për të pasur mentalitetin më të mirë, duhet ta bëni çdo tre ditë. E treguam sot kundër ekipit më në formë në Evropë dhe tani duhet ta bëjmë nesër kur të stërvitemi dhe kundër West Ham”, u shpreh Mikel Arteta.

Arsenal aktualisht është i dyti në Premier League me 49 pikë, tri më shumë se City që është i treti por ka dy ndeshje më pak, teksa ka dy pikë më pak se Liverpooli lider./Arbresh.info/