Arsenali ka regjistruar fitore me rezultat të thellë mbrëmjen e sotme (e enjte) kundër Vorskla Potavas.

“Topçinjtë” fituan me rezultat 3 me 0 takimin e xhiros së pestë në kuadër të Evropa Ligës të zhvilluar në udhëtim kundër skuadrës ukrainase, shkruan portali arbresh.info.

Pavarësisht se thuajse e gjithë skuadra e zakonshme startuese pushoi, klubi nën udhëheqjen e Unai Emery mposhti pa probleme nikoqirët e takimit të zhvilluar në Kiev.

Ata kaluan  në epërsi pas vetëm dhjetë minutave lojë në Kiev. Goli i avantazhit për gjigantin anglez u realizua nga talenti i ri Emile Smith Rowe.

Aaron Ramsey më pas dyfishoi shifrat për 2 me 0 në minutën e 27′ duke realizuar nga pika e bardhë.

Goli i tretë u shënua nga talenti tjetër në sulm Joe Willock në minutën e 41′ pas një kundërsulmi të shpejtë.

Arsenli tashmë ka siguruar kalimin në fazën eliminuese të këtij kompeticioni, por me këtë fitore ata kanë të garantuar edhe kruen e Grupit E me 13 pikë./arbresh.info/

Shikoni më poshtë tri golat: