Arrestohen dy persona jashtë shtëpisë së Mesut Ozil

23:00 | 10 Gusht 2019
Arbresh Info

Policia ka arrestuar dy persona jashtë shtëpisë së mesfushorit Mesut Ozil, gjë që ka bërë që ai dhe Sead Kolasinac të mungojnë në ndeshjen e parë këtë sezon në Premierë Ligë.

Personat janë kapur nga policia mbrëmjen e së enjtes pas një zënke me stafin e sigurisë, i ka qenë duke e monitoruar shtëpinë e Mesut Ozilit në veri të Londrës qysh pas tentimit për vjedhjen e veturës së tij muajin e kaluar, transmeton portali arbresh.info.

Ferhat Ercan dhe Salaman Ekinici, të dy 27 vjeçar, janë akuzuar dhe arrestuar të premten dhe pritet të shfaqen në gjykatën Highbury Corner muajin e ardhshëm.

Ozil dhe Kolasinac janë të pa lënduar dhe të sigurt dhe asgjë e papritur nuk ka ndodhur të premten.

Por, incidente të ndryshme raportohet të kenë ndodhur në kohë të ndryshe gjatë ditëve të kaluara./arbresh.info/