Manchester City është sërish finalist i Carabao Cup.

Kampioni në fuqi i Premierë Ligës është kualifikuar në finale të Carabao Cup duke eliminuar skuadrën e Burton Albionit me rezultat të përgjithshëm 10 me 0, shkruan portali arbresh.info.

Skuadra e yllit kosovar Arijanet Murici ka siguruar fitore me rezultat minimal 1 me 0 mbrëmjen sotme (e mërkurë) në takimin si mysafirë kundër Burton Albionit duke shënuar përmes sulmuesit Sergio Aguero.

Mirëpo, në ndeshjen e zhvilluar javë më parë në Etihad, djelmoshat nën udhëheqjen e Pep Guardiolas siguruan fitore me rezultat tronditës 9 me 0.

Portieri i Kosovës ishte startues si në takimin e kaluar, ashtu edhe në këtë të zhvilluar sonte duke mbajtur portën e pastër.

Rivali në finale i Manchester Cityt varet nga fituesi i ndeshjes Chelsea – Tottenham./arbresh.info/