Liverpooli mbrëmë u shpall kampion i Anglisë për të 20-tën herë në histori të klubit, pas fitores ndaj Tottenhamit me rezultat 5-1.

Për njërin nga lojtarët e “The Reds”, ky mund të jetë titulli i fundit që e fiton me këtë klub, shkruan Arbresh.info.

Bëhet fjalë për mbrojtësin anësor, Trent Alexander-Arnold, i cili është në vitin e fundit të kontratës së tij dhe një muaj para përfundimit ende nuk e ka rinovuar atë, ndryshe nga Momo Salah e Virgil Van Dijk të cilët e kanë bërë një gjë të tillë.

Trent që nga janari aludohet për një transferim të mundshëm verës tek Real Madridi.

Mirëpo gjatë javës së kaluar, 26-vjeçari shënoi një gol shumë të rëndësishëm për “The Reds”, ndaj Leicesterit, ai realizim e afroi skuadrën edhe më shumë me titullin. Por vlen të theksohet festa e Trentit e cila menjëherë u bë lajm nëpër mbarë Anglinë.

Pas gjithë këtyre ditëve të shumtë janë ata që edhe besojnë se Arnold do të vazhdojë kontratën e tij me klubin e fëmijërisë.

Mbrojtësi anglez “i ka hedhur benzinë, zjarrit” akoma më shumë me postimin e tij të fundit në rrjetin social Instagram, pas triumfit në Premier League.

 

View this post on Instagram

 

A post shared by Trent Alexander-Arnold (@trentarnold66)

“Për qytetin dhe për tifozët”, ka shkruar shkurtimisht ai duke publikuar pamje nga festa e titullit kampion.

Pas këtij postimi kanë vërshuar komentet në drejtimin e tij, lidhur me një qëndrim të mundshëm edhe për disa vite tjera tek klubi i Liverpoolit.

Por gjithçka do të varet nga vetë Trent Alexander-Arnold gjatë ditëve në vijim. Kujtojmë se kontrata e tij skadon me 30 qershor të këtij viti./Arbresh.info