Ish-kapiteni i Përfaqësueses së Kosovës në futboll, Anel Rashkaj, do të te Kosova për dy ndeshjet e radhës.

Ai do të jetë për herë të parë në listën e përzgjedhësi Bernard Challandes për ndeshjet ndaj Malit të Zi dhe Bullgarisë që zhvillohen më 7 dhe 10 qershor.

Rashkaj ka qenë një ndër lojtarët kryesorë në epokën që Kosova drejtohej nga Albert Bunjaku.

Futbollisti i cili aktivohet në pozitën e mesfushorit, në edicionin e ka shfaqur formë shumë të mirë me ekipin Eskilstuna në Suedi.

Futbollisti i lindur në Prizren e ka konfirmuar ftesën në një prononcim për zëri.info.

“Tashmë kam pranuar ftesë për dy ndeshjet e qershorit. Së pari jam munduar që ta kryejë punën time me ekipin e pastaj të tjerët janë që e vlerësojnë dhe e vendosin”.

“Është kënaqësi, nuk ka fjalë që e përshkruan përfaqësimin e shtetit. Secili futbollist e ka ëndërr”, ka thënë ai.

Rashkaj ka luajtur në Kosovë për Prishtinën, ku zhvilloi vetë disa ndeshje.

29-vjeçari do ta zëvendësojë mesfushorin e Luzernit, Hekuran Kryeziu i cili është i lënduar dhe nuk pritet që të rikuperohet gjatë këtij viti.