Ad Banner
Ad Banner
Ad Banner
Ad Banner

Amir Rrahmani do ta rinovojë kontratën me Napolin, pritet të përfitojë në pagë

16:39 | 7 Janar 2026
D.H

Kapiteni i Kosovës, Amir Rrahmani, është shumë pranë vazhdimit të aventurës së tij me Napolin, pasi pritet të rinovojë kontratën edhe për disa sezone të tjera, duke përfituar një rritje të pagës.

Gazetari italian Nicolo Schira raporton se qendërmbrojtësi do të firmosë një marrëveshje të re me klubin napoletan e cila do t’i sigurojë atij rreth 3.8 milionë euro në vit.

Kjo shifër përfaqëson kontratën më fitimprurëse të karrierës së Rrahmanit, pasi më parë, sipas të dhënave, ai përfitonte rreth 3.2 milionë euro në sezon.

Sipas Schira, 30-vjeçari ka vendosur të refuzojë oferta të majme nga Arabia Saudite, Turqia dhe Liga Premier, duke zgjedhur të vazhdojë karrierën në Napoli, ku është shndërruar në një nga shtyllat kryesore të mbrojtjes.

Rrahmani iu bashkua Napolit në vitin 2020 dhe fitoi dy Serie A, një Superkupë të Italisë si dhe u zgjodh në formacionin e vitit në Itali./Arbresh.info

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm