Alvaro Morata ka folur rreth transferimin te Chelsea dhe pritet që gjithçka të zyrtarizohet nesër.

Spanjolli do t’i nënshtrohet testeve mjekësore në Londër para se të nënshkruaj me skuadrën e trajneri Antonio Conte, transmeton portali arbresh.info. Chelsea do të paguaj 75 milionë funta për Morata dhe sulmuesi pritet të zëvendësojë Diego Costan, i cili nuk është më pjesë e planeve të trajnerit italian te skuadra në Stamford Bridge.

“Jam shumë i lumtur, me vullnetin e zotit nesër do të jem në Chelsea, një klub që gjithmonë më ka dashur mua”, tha Morata për gazetën spanjolle ‘Marca’.

“Nuk jam i zhgënjyer për asgjë. Kam fituar katër tituj këtu, por tani mendoj vetëm që të barti fanellën e Chelseat”.

Morata i ka dërguar gjithashtu një mesazh tifozëve të Realit duke i falënderuar të gjithë për mbështetjen gjatë qëndrimit të tij në Bernabeu.

“Faleminderit shumë nga të gjithë madrilenët që më kanë mbështetur sërish, gjithmonë i urojë më të mirat Madridit”./arbresh.info