Alisson Becker ka paralajmëruar se cilit klub mund t’i bashkohet në një të ardhme të afërt kur të marrë fund aventura e tij me Liverpoolin.

32-vjeçari cilësohet gjerësisht si njëri prej portierëve më të mirë në botën e futbollit, por gjatë viteve të fundit, ai ka vuajtur shkaku i lëndimeve, diçka që bëri që portieri i dytë Caoimhin Kelleher të fitonte përvojë.

Alisson do të ketë edhe më shumë konkurrencë sezonin e ardhshëm, pasi Giorgi Mamardashvili pritet t’i bashkohet ekipit të Arne Slot më 1 korrik 2025, pasi tashmë është pajtuar për një marrëveshje me Liverpoolin në gusht të këtij viti.

Kjo e lë të ardhmen e Kelleher dhe Alisson ende të paqartë, por që të tre portierët do të garojnë sezonin e ardhshëm për fanellën e titullarit.

Braziliani së fundmi dha një përditësim për të ardhmen e tij duke folur për Vozesdogigante.

“I shikoj të gjitha ndeshjet e Internacional. Unë kam një kontratë edhe për tri vite me Liverpoolin. E ardhmja nuk është definitive për askënd, por në futboll, shpresoj të përmbush kontratën në Angli dhe pas kësaj jam i hapur (për rikthim)”, ka thënë Alisson.

Kontrata aktuale e reprezentuesit brazilian me Liverpoolin skadon në vitin 2026, teksa klubi ka mundësinë e rinovimit edhe për një sezon tjetër.

Kujtojmë se ish-portieri i Romës kishte tërhequr interesimin nga Arabia Saudite verën e kaluar, por kjo lëvizje në fund dështoi.