Kupa e Kombeve të Afrikës ka qenë gjithmonë një ngjarje “e pakëndshme” nëse shikohet nga këndvështrimi i futbollit evropian, pasi organizohet gjithmonë në dimër, në mes të sezonit sportiv në Kontinentin e Vjetër përveç vendeve nordike.

Ky kompeticion është parë gjithmonë si një koleksion historish të çuditshme, kurioze dhe të veçanta.

Pak a shumë si arsyet e mosgrumbullimit të dy futbollistëve nga trajneri i Guineas, Kaba Diawara.

Dy lojtarë mbeten jashtë kompeticionit për arsye të çuditshme që luhet në Bregun e Fildishtë nga 13 janari deri më 11 shkurt 2024.

Ibrahima Cissé, mesfushor i Uralit në Rusi u la jashtë për shkak të kritikave publike që futbollisti i kishte bërë trajnerit në profilin e tij në Snapchat.

Teksa i dyti është Morlaye Sylla, pjesë e ekipit portugez Arouca.

Trajneri e përjashtoi pasi u akuzua nga lojtari se i kishte vjedhur fanellën e Vinicius Junior, të cilën ai e kishte shkëmbyer në fund të një ndeshjeje miqësore të luajtur verën e kaluar kundër Brazilit./Arbresh.info/