Babai i Lionel Messit, Jorge Horacio Messi, ka qenë i përfshirë në një aksident në Argjentinë duke përplasur me veturën e tij BMW një motoçiklist, i cili thuhet se ka mbetur pa ndenja.

Aksidenti ndodhi mbrëmjen e kaluar në qytetin Rosario, ku 61-vjeçari u përplas në udhëkryq me motoçiklistin, transmeton portali arbresh.info.

Motoçiklisti 24-vjeçar, emri i të cilit vazhdon të mbetet i panjohur, kishte mbetur pa ndjenja para se të dërgohej me nxitim në spital.

Babai i Messit është marrë në stacionin më të afërt policor. Ai besohet të jetë testuar gjithashtu nëse ka qenë duke vozitur nën ndikimin e alkoolit.

Atij i është lejuar më vonë largimi pa ngritur ndonjë akuzë ndaj tij. Lëndimit e motoçiklistit besohen të jenë “jo serioze” pas ekzaminimeve të bëra në spitalin lokal të Rosarios./arbresh.info/