Agjenti ia hap derën rikthimit të Silva-s te Milan: Ai ka admirim të madh për klubin

18:15 | 6 Prill 2020
Arbresh Info

Agjenti i Thiago Silva, Paulo Tonietto ka thënë se klienti i tij mund të rikthehet në verë te AC Milan.

Kapitenit të PSG-së i skadon kontrata në “Parkun e Princave” në fund të sezonit, mirëpo në kohën e fundit ishte i lidhur me rikthimin në “San Siro”, transmeton portali arbresh.info.

Agjenti i tij ka thënë se braziliani ka admirim të madh për klubin dhe tifozët dhe gjithçka mund të ndodh.

“Në futboll gjithçka është e mundur, por duhet të presim të shohim për shkak të pandemisë”.

“Ai ka admirim të madh për Milan, për vitete që kaloi gjatë karrierës. E di për fansat të cilët kanë pasur efekt të madh”, deklaroi Tonietto për MilanNews.

Silva mund të kalojë në “San Siro” si lojtar i lirë, mirëpo pagesa mund të jetë problemi kryesor.

Kujtojmë që 36-vjeçari fitoi Scuedetto në vitin 2011 dhe me pas u transferua te PSG se bashku me Zlatan Ibrahimovic./arbresh.info.