Përkundër insistimit të madh të Napolit për ta transferuar sulmuesin e Borusia Dortmund, Karim Adeyemin, ai ka vendosur të qëndrojë tek skuadra gjermane.

Së paku kështu ka bërë të ditur eksperti i transferimeve Fabrizio Romano, shkruan Arbresh.info.

Napoletanët ishin të interesuar seriozisht për të marrë në skuadër yllin gjerman, pas largimit të Khvicha Kvaratskhelias.

Madje u raportua se klubi kishte arritur marrëveshjen për tarifën e transferimit.

Mirëpo tani në ditët e fundit të merkatos këto mbeten vetëm spekulime dhe ai do të vazhdojë të qëndrojë tek Dortmundi së paku deri në fund të këtij sezoni.

23-vjeçari ka një kontratë me gjermanët deri në vitin 2027.

Përveç Napolit edhe Juventusi ishte i intersuar për sulmuesin gjerman si dhe disa klubet të Premier Leagues.

Vlera e tij në faqen e specializuar të transferimeve “Transfermarkt” është 35 milionë euro./Arbresh.info/