Xhaka e eliminon Milanin, Berisha me Salzburugn e kalojnë ‘bunkerin’ Borussia Dortmund

23:05 | 15 Mars 2018
Arbresh.info

Arsenal ka siguruar kalimin në çerekfinale të Ligës së Evropës, pasi kanë mposhtur 3:1 Milanin në ‘Emirates Stadium’.

‘Gunners’ kanë arritur të fitojnë edhe ndeshjen e kthimit ndaj rossonerëve, për të kaluar në fazën tjetër të Ligës së Evropës me rezultat të përgjithshëm 5:1.

Milan përmes Calhanoglu kaloi në epërsi në minutën e 35’. Katër minuta më vonë, Arsenali barazoi në 1:1 me anë të Welbeck, pas një penalltie të fituar në mënyrë të dyshimtë.

Xhaka në minutën e 71’ shënoi për 2:1, ndërsa për rezultatin përfundimtar u përkujdes Welbeck, që shënoi për 3:1.

Ndryshe, Salzburgu është kualifikuar në çerekfinale të Europa League, falë fitores në takimin e parë 2-1 me dy golat e Valon Berishës, sfida e kthimit përfundoi 0-0.

Kualifikimin e siguroi edhe CSKA Moska që pas dy ndeshjeve e eliminoi 4:2 Olimpique Lyonin. /arbresh.info/