160 milionë euro të shpenzuara keq nga Paris Saint-Germain ose të paktën kështu konsiderohen nga trajneri Luis Enrique, transferimet e Gonçalo Ramos dhe Randal Kolo Muani, raportojnë mediet franceze.

Ramos dhe Kolo Muani, deri më tani, për teknikun spanjoll, nuk kanë arritur të jenë një vlerë e shtuar për ekipin. Mediet franceze shtojnë gjithashtu se Luis Enrique është “skeptik” në lidhje me mundësitë e dy lojtarëve për të performuar në nivelet më të larta.

Pavarësisht mesazheve të vazhdueshme mbështetëse për të dy të shprehura publikisht, sidomos në konferencat për shtyp, ish-trajneri i Romës dhe Barcelonës nuk beson se ata kanë cilësi të mjaftueshme për të luajtur një rol vendimtar në skuadrën, e cila aktualisht kryeson Ligue 1 me pesë pikë përpara Nice.

Kujtojmë se Gonçalo Ramos u transferua nga Benfica te Paris Saint-Germain në gusht për 65 milionë euro plus bonuse dhe luajti 19 ndeshje në të gjitha garat, me katër gola (asnjë në Champions) dhe një asistim.

Shifrat e Kolo Muani janë sigurisht më të mira, 10 gola (1 në Champions League) dhe 2 asistime në 24 paraqitje, por ai kushtoi 95 milionë euro në verë dhe nuk po i tregon cilësitë e mira që ai kishte treguar me fanellën e Eintracht. /Supersport