Sot (e martë) janë bërë pikërisht 16 vite nga debutimi i Cristiano Ronaldos në fazat e grupeve në UEFA Ligë të Kampionëve.

Sulmuesi portugez ishte pjesë e linjës startuese në skuadrën e “Djajve të Kuq” në ndeshjen e humbur me rezultat të ngushtë 2 me 1 në Stuttgart, transmeton portali arbresh.info.

Ai ishte shfaqur në raundin e tretë kualifikues të kompeticionit në sezonin 2002/03 duke u inkuadruar në minutën e 58 gjatë barazimit 0 me 0 të Sporting CP kundër Interit. Megjithatë, ishte Sir Alex Ferguson që i dha atij ndeshjen e parë në fazë të grupeve bartësit të fanellës me numër 7 – atëherë 18 vjeç e 238 ditë, duke luajtur me të për 90 minuta gjatë disfatës 2 me 1 kundër Stuttgarit që ishte atëherë në krye të Bundesligas.

Kontributi më i madh i adoleshentit ishte një përplasje me portierin Timo Hildebrand të Stuttgarit nga i cili United siguroi penalti që u konvertua në gol më pas nga Ruud van Nistelrooy.

Pjesë e formacionit startues atë mbrëmje te skuadra e United përveç Ronaldos ishin edhe yjet si Ruud van Nistelrooy, John O’Shea, Rio Ferdinand, Roy Keane, Tim Howard, Mikaël Silvestre, Phil Neville, Paul Scholes, Gary Neville dhe Ryan Giggs./arbresh.info/