Sot në mbarë Shqipërinë nis sezoni i provimeve, ku maturantët do t’i nënshtrohen testit për gjuhën e huaj.

31 mijë maturantë çelën sezonin e provimeve të Maturës Shtetërore.

Nga 8 qershori deri në 18 qershor klasat e 12 do të zhvillojnë 4 provimeve. Sot testohen për gjuhën e huaj, për të vazhduar më datë 11 qershor me Gjuhën Shqipe, me Matematikën më 15 qershor dhe 18 qershor, provimi i lëndës me zgjedhje.

Siç ka zbuluar gazetarja e Top Channel, Kristi Gongo në konsultim me Ministrinë e Shëndetësisë, Ministria e Arsimit ka marrë vendimin që maturantët që shfaqin temperaturë të lartë nuk do të lejohet të hyjnë dhe do t’u jepet mundësia në sezonin e vjeshtës. Duke qenë matura e parë që testohen në kohë pandemie, është hartuar një rregullore e posaçme.

Provimi fillon në orën 10 dhe do të zgjas 2 orë, ndërsa testi do të jetë vetëm me alternativa. Temat e zhvilluara gjatë mësimit në distancë janë përjashtuar si pyetje provimi.