Presidenti i Shqipërisë, Bajram Begaj ka reaguar pas vdekjes së ish-sekretarit amerikan të Shtetit, Henry Kissinger.

Begaj përmes një shkrimi në “X” tha që bota sot humbi një individ të shquar, shkruan Arbresh.info.

“Sot, bota humbi një individ të shquar, arkitektin e diplomacisë moderne, gjithmonë në kërkim të paqes dhe zgjidhjeve diplomatike. “, shkroi ai.

“Pusho në paqe, Henry Kissinger.”, përfundoi presidenti Begaj.

Kujtojmë që  ish-sekretari amerikan i Shtetit, Henry Kissinger, ka vdekur në moshën 100-vjeçare.

Ai vdiq në shtëpinë e tij në Konektikat.

Kissinger kishte dominuar politikën e jashtme përderisa Shtetet e Bashkuara u larguan nga lufta në Vietnam dhe larguan barrierat me Kinën.

Kissinger kishte ndikim të madh në çështjet globale gjatë shërbimit të tij në mandatet presidenciale të Richard Nixonit dhe Gerald Fordit, duke fituar edhe Çmimin Nobel për paqe.

Po ashtu, Kissinger fitoi Çmimin Nobel për Paqe për shkak të marrëveshjes së armëpushimit arritur më 1973.

Ai la pas dy fëmijë, Elizabeth dhe David./Arbresh.info/

LEXO EDHE:

Vdes ish-sekretari amerikan i Shtetit, Henry Kissinger