Avokatja e caktuar nga shteti, Arta Gecaj, e cila mbrojti Nikoll Radaçin, i cili përplasi për vdekje me makinë dy fëmijë në zonën e ish-kënetës në Durrës të Shqipërisë, ka deklaruar se 57-vjeçari ishte në gjendje të rënduar psikologjike në sallën e gjyqit.

Në një deklaratë për media pas caktimit të masës së sigurisë, ajo tha se ndaj tij rëndojnë tri akuza, ajo aksidentit me pasojë vdekje ose plagosje të rëndë, largim nga vendi i ngjarjes dhe përdorim alkooli në kohën që drejton mjetin, raporton A2CNN.

Sipas saj, për akuzën e shkeljes së rregullave të qarkullimit me pasojë vdekje ose plagosje të rëndë parashikohet dënimi me burg nga 5-20 vite.

“Masë e sigurimit arrest me burg. Masë e cila pritej. Nga prokuroria ka ardhur me 3 akuza. I pandehuri nuk foli fare, dukej në gjendje të rnëduar psikologjike nuk dha shpjegim para gjykatës unë isha e ftuar nga shteti për mbrojtje duke qenë se nuk kishte avokat të zgjedhur.

Shkelja e rregullave të qarkullimit me pasojë vdekje ose plagosje të rëndë nga 5-20 vite parashikohet dënimi me burg, drejtimi i mjeteve në gjendje të parregullt ku konkludon me pirjen e alkoolit dhe largimi nga vendi i aksidentit. Ka shprehur pendesë ndjehet i penduar edhe sot dukej në gjendje të rënduar psikologjike”, deklaroi ajo.