“Tradhtia zgjidhet me vdekje”, dënohet me 19 vjet burg shqiptari që vrau gruan në Angli

18:31 | 16 Dhjetor 2019

Shqiptari Fatos Xheta, i cili vrau gruan Safie Xheta rreth 6 muaj më parë në Oksofrd të Britanisë së Madhe është dënuar sot me 19 vjet burg.

Gjyqtarët janë menduar rreth 90 minuta, përpara se të marrin vendimin për 46-vjeçarin.

Gjykata arriti në përfundimin se Xheta ishte xheloz për gruan e tij. Kjo u vu re edhe në shënimet që i janë gjetur atij në banesë, shkruajnë mediat britanike, transmeton bw.

Në një letër të dyshuar të shkruar nga Fatos Xheta, shkruhej “Tradhtia zgjidhet vetëm me vdekje”.

Hetimet kanë zbuluar se burri i kontrollonte vazhdimisht rrjetet sociale bashkëshortes, si dhe celularin.

Safie Xheta i kishte thënë një mikeshe të saj përpara disa kohësh: “Fatosi nuk më lejon të kem shok. Nuk kam tani as telefon, sepse e mori dhe e shkatërroi”.

Çifti ishte martuar me njohje në Shqipëri. Ata kishin jetuar në Itali, ndërsa më pas janë transferuar për në Britaninë e Madhe. Ata lanë pas edhe fëmijë.

Shpërndaje në rrjete sociale

Lajmet më të lexuara