Rama vizitë në Bavari, pritet nga Söderi: Kemi ndërtuar marrëdhënie të veçantë partneriteti

17:32 | 14 Korrik 2025
E.G

Kryeministri i Shqipërisë, Edi Rama ndodhet për një vizitë në Gjermani me ftesë të kryeministrit të Bavarisë, Markus Söder.

Rama ndau në rrjetet sociale pamje nga mbërritja në Mynih, ku u prit nga kryeministri i Landit të Bavarisë, Markus Söder.

“Gjermani, Mynih – Të ftuar nga Kryeministri i Bavarisë, Markus Söder një mik i çmuar me të cilin kemi ndërtuar marrëdhënien e një partneriteti të posaçëm mes Shqipërisë dhe Bavarisë”, shkruan Rama në rrjetet sociale.

Rama po shoqërohet nga ministrja e Turizmit dhe Mjedisit, Mirela Kumbaro, nga ministrja e Shtetit për Sipërmarrjen dhe Klimën e Biznesit, Delina Ibrahimaj dhe drejtoresha e AKSHI-t, Mirlinda Karçanaj.

Pritet që diskutimet të kenë në fokus ekonominë, inovacionin dhe turizmin.