Kryeministri i Shqipërisë, Edi Rama ka uruar besimtarët myslimanë për muajin e shenjtë të Ramazanit.

Me anë të një postimi në Facebook, Rama u shpreh se një kohë reflektimi, dhembshurie e rritjeje shpirtërore nis sonte për besimtarët myslimanë, shkruan Arbresh.info.

“Sjelltë ky muaj i tyre i shenjtë afrim në besim dhe ndriçim të brendshëm në rrugën e tyre dhe të të gjithëve bashkë, me paqe dhe bekime”, uroi Rama.

Ai uroi që që kjo muaji i Ramazanit të pasurojë mendjet e zemrat e Shqipërisë që siç tha ai, ka nevojë të ngjitet lartë.

“Ushqeftë kjo ngjarje vjetore shpirtin e unitetit dhe përkushtimit ndaj tjetrit, pa dallim e përjashtim, duke pastruar e pasuruar mendjet e zemrat e këtij vendi që sot ka nevojë të rritet dhe ngjitet lart në krahët e të gjithëve”, shtoi mes të tjerash ai.

“Ramazan të paqtë e bujar”, përfundoi kryeminstri shqiptar./Arbresh.info/