Kryeministri i Shqipërisë, Edi Rama ka lavdëruar sistemin online të Kadastrës, duke e quajtur arë armiqësor me korrupsionin dhe miqësor me qytetarin.

Sipas Ramës, shumë person thonë që ky sistem nuk funksionin, por kjo nuk është e vërtetë, shkruan Arbresh.info.

Kryeministri shqiptar ka publikuar një fotografi ku tregohet fluksi i punës së sistemit digjital.

“Kjo është vetëm një fotografi e fluksit të punës së sistemit digjital, ku mund të shihen qartë datat hyrëse e dalëse të aplikimeve, pa sportel, pa kontakt fizik me punonjësit, pa mundësi ndërhyrjeje nga lart, poshtë, anash për të marrë e dhënë favore, pa shans për ryshfet sepse sistemi nuk ha mik dhe pa të gjitha sëkëllditë e tmerret e të kaluarës në marrjen e shërbimit. Ndërkohë që po, e vërtetë, s’funksionon më sistemi i vjetër, zhbëhet përditë rrjeti i sekserëve, influencave të llojllojshme, buburrecave e minjve brenda kadastrës, të cilët vazhdojnë të dorëhiqen prej tharjes së burimeve të pista, vazhdon papushim puna për përmirësimin dhe rritjen e efiçencës së sistemit të ri, i cili ka ende problemet e veta, por edhe kështu siç është ka dhënë dy prova të mëdha, si një sistem armiqësor me korrupsionin dhe miqësor me qytetarin”, ka shkruar ai.