Kryeministri i Shqipërisë, Edi Rama e ka nisur këtë ditë me një video nga puna e përditshme e epidemiologëve në Shqipëri që gjurmojnë dhe bëjnë testet e koronavirusit.

Vetë mjekët epidemiologë theksojnë se çdo ditë i gjenden pacientëve pranë.

Kryeministri kujton dhe faktin se Shqipëria ndërkohë vijon të fuqizojë kapacitetet e testimit, ku krahas metodës me PCR, po aplikohen edhe testet e shpejta për COVID 19.

MESAZHI I RAMËS: 

MIRËMËNGJES ?
me respektin për skuadrat e epidemiologëve ku që prej javës së parë kur pandemia u shfaq në vendin tonë, janë në terren, 24 orë në 7 ditë të javës, duke zgjeruar e thelluar hetimin epidemiologjik në të gjithë vendin për të siguruar testim në kohë dhe të sigurt për qytetarët shqiptarë.
Shqipëria ndërkohë vijon të fuqizojë kapacitetet e testimit, ku krahas metodës me PCR, tashmë po aplikohen edhe testet e shpejta për COVID 19, për të shkëputur sa më shumë të jetë e mundur, zinxhirin e transmetimit të virusit, përmes gjurmimit dhe izolimit të rasteve pozitive.