Kjo është nata e parë e Krishtlindjes që gazetarja dhe pedagogia Erenestina Halili kalon pa djalin e saj Kejdi që fatkeqësisht humbi jetën në aksidentin me motor së bashku me mikun dhe këngëtarin Ergi Dini.

Dhimbja që humbja e djalit i ka dhënë është mjaft e madhe, dhimbje të cilën zonja Halili e ka shprehur përmes disa vargjeve në gjuhën e saj, shkodrane.

21 Nëntor ishte dita kur djali i saj u nda nga jeta, dhe duke theksuar edhe orën 21:00 kur Kejdi humbi jetën, Erenestina Halili i jep një tjetër kuptim, duke e titulluar poezinë e saj “Tri herë 21”. 2 + 1 Tininë e Shenjtë bëjnë, shkruan ajo (Në emër të Atit, Birit dhe Shpirtit të Shenjtë)

Poezia e Erenestinës:

Tri herë 21!

Bir,

Natë Kshnellash âsht knej

E paqën vnue e kam n’mjedis flak’s qirit tand.

Bir,

zhgjetën e dek’s e pave ti,

barr’n e kryqit lânë ke n’nânë,

t’rândë,

t’rândë,

t’rândë.

N’muj’n e shenjtve, bash 21,

nimrue dy herë, n’vit e ditë,

Ora jote t’u avit, paj n’21.00.

Heu bir,

21,21,21,

bash n’at ditë…

Zgjetën e dek’s e pave ti,

Barr’n e kryqit lânë ke n’nânë,

t’rândë.

T’rândë!

Kah shkruej g’zimet tueja,

e k’ndue rruzar’t e lag’ta,

prej gulçit tând,

Bir,

kqyra se dy dhe nja, Trininë bâjnë ..!