Përfshihet nga flakët shkolla fillore në Ballsh të Shqipërisë

17:50 | 3 Janar 2023
E.H

Një shkollë 9-vjeçare në qytetin e Ballshit në Shqipëri është përfshirë nga flakët këtë të martë.

Në bazë të informacioneve parparake dyshohet se zjarri është shkaktuar nga një shkëndijë elektrike në një klasat e shkollës.

Si pasojë e zjarrit janë shkaktuar vetëm dëme material në klasën ku ra zjarri, ndërkohë që policia dhe grupi hetimor po vijon punën për zbardhjen e rrethanave të ngjarjes.

“Në datë 03.01.2023, në lagjen “5 Shkurti”, Ballsh, në një klasë të një shkolle 9-vjeçare, dyshohet se si pasojë e një shkëndije elektrike ka rënë zjarr dhe për pasojë ka vetëm dëme materiale në atë klasë.

Shërbimet zjarrfikëse kanë bërë të mundur shuarjen e zjarrit, ndërsa grupi hetimor po punon për zbardhjen e shkaqeve të rënies së zjarrit”, thuhet në njoftimin e policisë./euronews.al/