Ish-kryeministri i Shqipërisë Sali Berisha ndodhet në masën e sigurisë ”arrest shtëpie” që prej 30 dhjetorit 2023, por kjo nuk e ka ndaluar që të flasë, edhe pse nga dritarja.

Berisha gjithashtu është parë teksa lëviz në verandën e banesës ku po merr ajër të pastër dhe duket se po përpiqet të mbajë veten në formë të mirë fizike.

Prokuroria s Posaçme (SPAK) pritet të thërrasë Sali Berishën për ta marrë në pyetje për aferën Partizani e dy ditë më pas pret dhëndrin e tij Malltezi.

Ndërkohë, mes këtyre dy datave, Ilirjana Olldashi, Gjyqtarja e Apelit në konflikt, vendos për kërkesën e Berishës për heqje të arrestit në shtëpi.

Berisha është në hetim për korrupsion lidhur me privatizimin e ish-kompleksit Partizani pasi me veprimet e tij ka favorizuar dhëndrin Jamarbër Malltezi, një ndër pronarët e truallit ku shtrihej kompleksi sportiv, mbi të cilin lulëzuan 19 kulla. /Telegrafi/