Është ndarë nga jeta ditën e sotme ish-deputeti i PD-së Idriz Xhumara.

Lajmin e ka bërë me dije deputetja e PD-së Dhurata Çupi, e cila shkruan se Xhomara u nda nga jeta pas një sëmundje të rëndë.

Mesazhi i deputetes së PD-së:

Një ikje e parakohshme, një largim që lë pas shumë dhimbje por edhe vlera.

Sot mora lajmin e hidhur të ndarjes së parakohshme nga jeta të ish-deputetit Idriz Xhomara, i cili lë pas një kontribut të jashtëzakonshëm për zhvillimin e demokratizimin e Matit. Deputeti i përballjeve të drejtpërdrejta dhe i guximit Idriz Xhomara sot nuk është më mes nesh, pasi një sëmundje e papritur i mori jetën në moshën 68 vjecare.

Përcjell ngushëllimet e mia familjarëve, gruas dhe fëmijëve për këtë humbje . Zoti u dhëntë forcë për ta përballuar.

Me ndarjen nga jeta të Idriz Xhomarës PD Mat humbi njeriun e vlerave të patjetërsueshme por që na le detyren për t’i vijuar.

Ngushëllime.

U prehsh në paqe koleg i nderuar.

Idriz Xhumara ishte deputet në legjislaturën e vitit 2005 si përfaqësues i PD, ndërkohë në 2009-ën ai u përjashtua nga lista e kandidatëve.