Të gjitha pikat hyrëse që të çojnë drejt parkut të liqenit artificial në kryeqytet janë bllokuar nga policia dhe ushtria, për të mos lejuar qytetarët të futen. Ky vendim i tillë erdhi pas mungesës së ndërgjegjësimit të qytetarëve të cilët nuk u mbyllën në shtëpi, por dolën shëtitje duke shkaktuar një grumbullim të madh në një hapësirë të vogël.

Frekuentimi i parkut të liqenit nga një numër i lartë qytetarësh ka detyruar autoritetet të mbyllin hyrjen në këtë zonë.

Ky vendim erdhi pas mungesës së ndërgjegjësimit të qytetarëve në ditën e verës, të cilët nuk u mbyllën në shtëpi, por dolën shëtitje duke shkaktuar një grumbullim të madh të qytetarëve në një hapësirë të vogël.

4 patrulla policie të mbështetura dhe nga forcat e ushtrisë janë vendosur në hyrjet e parkut të liqenit artificial në kryeqytetet, për të mos lejuar qytetarët të hyjnë.

Janë dashur rreth dy orë që i gjithë parku të boshatiset nga qytetarët të cilin kishin dalë nga banesat dhe po kalonin kohën e lirë.

Në brendësi të liqenit efektivët e policisë udhëzuan qytetarët për daljen nga perimetri, kërkesë kjo që u mirëkuptua prej tyre.

Tashmë liqeni është rrethuar me perimetër sigurie, nën mbikëqyrjen e forcave të shumta të policisë dhe ushtrisë.

Këto postblloqe do të vijojnë të qëndrojnë në këto park deri në një urdhër të dytë.