Meta: Dje hodhëm hapin e parë në përmbushjen e misionit tonë

09:33 | 3 Mars 2020
Arbresh.info

Një ditë pas protestës, Presidenti i Shqipërisë, Ilir Meta ka falenderuar të gjithë pjesëmarrësit në protestën e mbrëmshme.

Përmes një statusi në facebook Meta ka thënë se dje u hodh hapi i parë në përmbushjen e misionit për rivendosjen e sovranitetit të plotë të popullit shqiptar ndaj të gjitha institucioneve.

“Një falenderim të përzemërt të gjithë motrave dhe vëllezërve shqiptarë, të cilët iu përgjigjen thirrjes së Presidentit të Republikës në mbrojtje të Kushtetutës dhe kundër grushtit të shtetit që synon rrëmbimin mafioz të Gjykatës Kushtetuese. Dje hodhëm hapin e parë në përmbushjen e misionit tonë për rivendosjen e sovranitetit të plotë të popullit shqiptar ndaj të gjitha institucioneve”, shkruan Meta në Facebook.