Lulzim Basha: Vendimi i parë i qeverisë tonë, anulimi i ligjit të arsimit të lartë

15:56 | 9 Shkurt 2017
Arbresh.info

Kryetari i Partisë Demokratike së Lulzim Basha deklaroi sot përpara një grupi të rinjsh të forumit të kësaj force politike, se vendimi i parë i qeverisë së tij do të jetë anulimi i ligjit për arsimin e lartë.

Gjatë një takimi me të rinjtë demokratë të njësisë numër 7 në kryeqytet, Basha deklaroi edhe çfarë dotë bëjë qeveria e ardhshme e opozitës së tanishme në fushën e arsimit:

Anulim të ligjit të arsimit të lartë; Financim i plotë për të gjitha universitetet publike; Një formulë më eficente për konkurrimin në universitete; Pagesë për një vit e stazhit të punës për 10 mijë të rinj në vit

Për të realizuar këto premtime, Basha theksoi se më parë duhet rrëzuar me votë kjo qeveri që sipas tij, ka marrë peng vendin. Duke iu referuar protestës së 18 shkurtit, lideri demokrat tha se, kjo lëvizje do të përfundojë me fitoren e çdo shqiptari.