Ambasadori i Shteteve të Bashkuara të Amerikës, Donald Lu ishte i ftuar në emisionin ‘Opinion’, ku mbi të gjitha foli për reformën në drejtësi dhe arrestimin e atyre të ashtuquajtur ‘peshq të mëdhenj’.
Ai tha se hetimet për ish ministrin e brendshëm, Saimir Tahiri, kanë avancuar dhe se pritet të procedohet me ndjekje penale.
“Po hetohet çështja ‘Tahiri’ dhe jemi pranë procedimit me ndjekje penale. Shtetet e Bashkuara kanë këmbëngulur që gjykimi i tij të bëhet në Gjykatë dhe jo të lihet në dorë të politikanëve shqiptarë”, deklaroi Lu.
Ambasadori i SHBA-ve foli edhe për emra të tjerë të lidhur me krimin, të cilët i ka përmendur edhe më herët publikisht, ndërsa sqaroi edhe pozicionin e ish kryeprokurorit, Llalla.
“Llalla u bë i pari person, që i ndalohet zyrtarisht hyrja në Shtetet e Bashkuara dhe ky vendim erdhi pas bindjes se ai ishte një njeri tërësisht i korruptuar. Aktualisht është arrestuar një person shumë i rëndësishëm i botës së krimit të organizuar, në Bodrum të Turqisë, ndërsa ne po shtyjmë shumë edhe për arrestimin e Klement Balilit. Ne besojmë se ai ndodhet në Shqipëri dhe duhet të arrestohet, pasi është dënuar edhe në Greqi. Ne po i bëjmë presion strukturave shtetërore, që të arrestojnë sa më shpejt Balilin dhe kam shumë besim se shumë shpejt ai do të vihet para drejtësisë”, u shpreh Donald Lu./Top Channel
Moti i keq kaplon disa vende të SHBA-së
Vinicius blen një klub ambicioz evropian – dëshiron ta fus n...
Lirohen 12 personat e ndaluar nga policia në veri, u shqipto...
“Askush nuk dëshiron një Afganistan të dytë”, Zelensky: SHBA...
“Mos u ndal me kulaça deri sa të mbushet tepsia” – Gjesti me...
Barça fiton minimalisht dhe merr kreun e tabelës