Jo pak ankesa ka pasur nga pushuesit kosovarë që vizitojnë bregdetin e Shqipërisë për mashtrimet që po u bëhen në pagesa të ndryshme nga bizneset turistike atje.

Format e mashtrimit ankuesit thonë se janë të shumta.

Por, një nga më të përhapurat është mashtrimi me kuponin fiskal/tatimor.

Mashtrim ky që dëmton edhe turistët e huaj, por edhe vet arkën e shteti të Shqipërisë.

Një nga mënyrat është ndryshimi i shifrave të çmimit të mallit nga sa shkruan se është në kupon fiskal dhe sa para kërkohen në të vërtetë.

Për shembull; kuponi lëshohet për klientët me një çmim të caktuar, ndërsa pagesa kërkohet të bëhet me një çmim shumë më të madh.

Një ankesë e tillë në redaksinë e Klan Kosovës ka ardhur nga një turist që me pushime është në Shëngjin.

Atje kuponi fiskal për çmimin e një çadre pushuese lëshohet me çmimin 300 lekë, ndërsa pagesa kërkohet të bëhen 700 e më shumë lekë.