Juncker: Hapja e negociatave me Shqipërinë, varet nga progresi që do bëhet përgjatë 6 muajve

18:28 | 5 Dhjetor 2017
Arbresh.info

Presidenti i Komisionit Evropian, Jean-Claude Juncker, në një konferencë për shtyp me kryeministrin Edi Rama të martën ka deklaruar se çelja e negociatave për Shqipërinë varet nga progresi që do të bëhet përgjatë 6 muajve të ardhshëm.

“I lavdërojmë përpjekjet e kryeministrit për të luftuar korrupsionin dhe është progres domethënëses në këtë drejtim. Performaca duhet të shtohet në të ardhmen. Jemi shumë të lumtur me këtë që po ndodh në Shqipëri. Në qoftë se bëhet progres i mëtejshëm gjatë 6 muajve në vijim, synoj t’i propozojë vendeve anëtare hapjen e negociatave, por kjo do të varet nga progresi në muajt që vijnë dhe jam besimplotë se kjo do të ndodhë. Kam ndërmend të vizitojë Shqipërinë vitin e ardhshëm. Ia thashë privatisht kryeministrit Rama dhe po e them publikisht. Jemi në pikën ku mund t’i rekomandoj Këshillit hapjen e negociatave”, ka thënë Jean-Claude Juncker./Opinion.al/