Në tremujorin e parë të vitit 2017, numri i të aksidentuarve në Shqipëri është ulur me 4,3 %, krahasuar me të njëjtën periudhë të një viti më parë, por muaji mars shënoi rritje me 10.9 % krahasuar me marsin e vitit 2016.

Sipas raportit të publikuar të mërkurën nga INSTAT, në muajin mars të këtij viti numërohen 152 aksidente rrugore. Në krahasim me një vit më parë (mars 2016), numri i aksidenteve është rritur me 10,9 %, bëhet e ditur në raportin e INSTAT-it. Numri i të aksidentuarve është 213 persona nga 183 që ishte një vit më parë.

Numri i personave të vdekur gjatë muajit mars është 16. Krahasuar me mesataren e personave të vdekur gjatë vitit 2016, sipas INSTAT-it, ky numër është ulur me 28,6 %. Aksidentet rrugore, në 78,9 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve është kryer nga grup mosha 25 – 35 vjeç.

Në mars 2017, numri të aksidentuarve (vdekur apo plagosur) për 100.000 banorë ishte afërsisht 7 persona. Krahasuar me mesataren e vitit 2016, ky numër u ul me 8,1 %./Arbresh.info