I dënuari tenton vetëvrasjen në burg me brisk rroje

15:32 | 18 Mars 2018

Një shtetas që vuan dënimin në burgun e Shën Kollit ka tentuar t’I japë fund jetës, duke prerë damarët me brisk rroje.

Sipas njoftimit të policisë i dënuari me inicialet R.H 32 vjeç nga Fushë Kruja është dërguar me urgjencë në spital dhe aktualisht është jashtë rrezikut për jetën.

“Më datë 17.03.2018, ne IEVP Shënkoll, shtetasi i dënuar R.H vjeç 32 banues në Fushë Krujë, i dënuar me 21 vjet burg, për veprën penale “Vrasje e mbetur në tentativë”, në gjendje depresioni, ka tentuar të vrasë veten me mjet prerës (brisk rroje), i cili pasi mori mjekim në spital u largua për te IEVP Shënkoll, jashtë rrezikut për jetën. Materialet u referuan në Prokurorinë e Rrethit Gjyqësor Lezhë, për vlerësim”, thuhet në njoftimin e policisë.

Shpërndaje në rrjete sociale