Hasani takon homologen e tij nga Lihtenshtajni, diskutojnë për bashkëpunimin ekonomik

15:55 | 12 Shkurt 2025
E.K

Ministri i Punëve të Jashtme të Shqipërisë, Igli Hasani, ka zhvilluar një takim në Tiranë me Ministren e Punëve të Jashtme, Arsimit dhe Sportit të Lihtenshtajnit, Dominique Hasler.

Në këtë takim, u diskutua për lidhjet e forta mes dy vendeve gjatë tri dekadave të fundit dhe mundësitë e reja për të thelluar bashkëpunimin midis Shqipërisë dhe Lihtenshtajnit.

“Bashkëbisedimi ynë reflektoi lidhjet e forta mes dy vendeve tona përgjatë tri dekadave të fundit, si dhe u fokusua tek mënyrat e intensifikimit të bashkëpunimit ekonomik, tregtisë dhe mundësitë e reja për të forcuar më tej partneritetin tonë. Presim të thellojmë bashkëpunimin tonë me Lihtenshtajnin në të gjithë fushat me interes të ndërsjellë”, shkroi Hasani./Arbresh.info