Ministri për Evropën dhe Punë të Jashtme i Shqipërisë, Igli Hasani ka thënë se Shqipëria dënon ashpër sulmin e Iranit ndaj Izraelit.

Me anë të një postimi në platformën X, Hasani tha se ky përshkallëzim është kërcënim për sigurinë e Izraelit dhe gjithë rajonit.

Po ashtu, Hasani u bën thirrje shqiptarëve që jetojnë në Izrael të ndjekin udhëzimet e autoriteteve lokale.

“Shqipëria dënon ashpër sulmin e Iranit ndaj Izraelit. Ky përshkallëzim është një kërcënim i rëndë për sigurinë e Izraelit dhe të gjithë rajonit. Ajo rrezikon të sjellë paqëndrueshmëri dhe shkatërrim më të madh në të gjithë Lindjen e Mesme”, shkroi Hasani.

“Shqiptarët në rajon këshillohen të ndjekin udhëzimet e autoriteteve lokale për përditësimet e sigurisë publike dhe të kontaktojnë ambasadat tona për ndihmë”, tha Hasani./Arbresh.info

Albania strongly condemns Iran’s attack on Israel.

This escalation is a grave threat to the security of Israel and the entire region. It risks bringing greater instability and devastation across the Middle East.

Albanians in the region are advised to follow the instructions…

— Igli Hasani (@IgliHasani) April 14, 2024