Djali i fejuar me 12-vjeçaren: Pse beqar do rrimë ne?

22:36 | 10 Prill 2017
Trina Galanxhi

Pak ditë pasi “Pasdite në Top Channel” solli historinë e një 12-vjeçareje nga fshati Polis Sheh i Librazhdit, që ishte fejuar nga prindërit, emisioni ka mundur të sjellë versionin e dhëndrit.

Alfred Karaj, 24-vjeçari nga fshati Kaliveç i Gramshit tregon sesi e ka njohur të miturën.

“Jemi njohur me mbles. Goca ka rënë dakord, kanë ardhur njerëzit dhe kanë parë, gjithçka në rregull. Kemi bërë marrëveshje”, thotë ai.
Pyetjes nëse ka dijeni se e kap ligji për martesë nën moshën 18 vjeç, Alfredi i përgjigjet: “Pse, do të rrime beqarë ne?”

I riu këmbëngul se vajza është 14 vjeç, duke e konsideruar këtë si moshë më të lejueshme.

“E kam pasur një herë vajzën në shtëpi, pastaj e kam çuar prapë lart”, rrëfen ai, duke iu referuar fshatit malor ku jeton nusja e tij 12-vjeçare.