Kuvendi miratoi sot me 82 vota pro, ndryshimet në ligjin e medias por që të hyjnë në fuqi ato duhet të dekretohen nga Presidenti Meta.

Pas miratimit, kreu i opozitës, Lulzim Basha i bëri thirrje presidentit Meta të mos i dekretojë ndryshimet.

I pyetur nga mediat, se cili do të jetë qëndrimi i Presidentit të Republikës ndaj së ashtuquajturës “Paketë anti-shpifje”, Zëdhënësi i Tij, z.Tedi Blushi sqaron se:

“Presidenti i Republikës Sh.T.Z Ilir Meta do të shprehet në kohën e duhur, pa u ndikuar nga askush përveç Kushtetutës dhe ligjit.

Pasi të njihet zyrtarisht me ndryshimet ligjore dhe relacionin shoqërues, Presidenti Meta do të ndërtojë një proces shterues ligjor, dhe do i njohë qytetarët me qëndrimin e tij përfundimtar.”, është shprehur ai. /opinion.al