Programi “Lufta e Nuseve” është një ndër reality show-t më të ndjekur në Shqipëri. Në qendër të këtij seriali televiziv është gara në mes tre nuseve të reja se kush e organizon dasmën më të bukur.

Fituesin e përcaktojnë vetë ato duke shkuar në dasmat e njëra tjetrës dhe votuar për secilin nga elementet kryesorë të dasmës Dekorimin, Fustanin e Nusërisë, Ushqimin dhe Atmosferën.

Pikëve të tyre iu shtohen edhe vlerësimet e ekspertit profesional që në këtë rast është Amarda Toska, e njohur gjerësisht si Ami.

E veçanta e episodit që do të transmetohet të dielën e ardhshme është pjesëmarrja në konkurrim e një dasme nga Kosova.

Konkretisht është Egzon Gashi – kampion futbollistik i Superligës së Kosovës vjet me Ferronikelin dhe futbollist I sivjetshem me Besen e Pejës. Egzoni martohet me dhe Egzontinën – biondinën arkitekte nga Peja.

Dasma e tyre është zhvilluar në Pejë vjet në Gusht dhe konkuron me një nuse vlonjate e një korçare.

Për të mësuar se kush do të shpallet dasma fituese duhet të ndiqni episodin e radhës së “Lufta e Nuseve” të dielën ora 20.00 në Klan – shqipëri dhe Tv 21 Kosovë.

Më poshtë keni spotin promovues të kësaj serie.