Presidenti Bajram Begaj ka dekretuar lirimin nga detyra e Komandatit të Forcës Detare, të Nënadmiral Adnan Dëfrim Agastra. Po ashtu, kreu i shtetit ka dekretuar në detyrën e Komandatit të Forcës Detare Kundëradmiral Arsen Burhan Mullaj.

“Në mbështetje të nenit 93, nenit 169, pika 3 të Kushtetutës, si dhe nenit 9, pika 3, shkronja “c” të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, i ndryshuar”, me propozim të Ministrit të Mbrojtjes, datë 29.10.2025, DEKRETOJ: Nënadmiral Adnand Dëfrim Agastra lirohet nga detyra “Komandant i Forcës Detare”.

Në mbështetje të nenit 93, nenit 169, pika 3 të Kushtetutës, si dhe nenit 9, pika 3, shkronja “c” të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, i ndryshuar”, me propozim të Ministrit të Mbrojtjes, datë 30.12.2025, DEKRETOJ: Kundëradmiral Arsen Burhan Mullaj emërohet në detyrën “Komandant i Forcës Detare”. Ky dekret hyn në fuqi menjëherë”, thuhet në vendim./rtsh