Kreu i demokratëve në Shqipëri, Lulzim Basha ka zhvilluar takimin ditën e sotme me banorët e zonës së ish-kinostrudios në kryeqytet. Në këtë takim Basha tha se është në gatishmëri të qytetarëve ndaj dorëzimi i mandateve tregoi sipas tij se ishin rreshtuar në krahun e popullit.

Basha foli për veprimin e fundit të qeverisë holandeze ku i kërkonte KE rivënien e vizave me Shqipërinë. Sipas Bashës ky ishte turpi i Edi Ramës dhe përgjegjësia e tij e drejtpërdrejtë.

“Efektet duken qartë dhe Tirana lëngon me përjashtim të tre kantiereve ku ndërtohen kullat e pastrimet e parave, bizneset mbyllen dhe kostot e jetesës janë bërë të papërballueshme. Sot kemi një lajm të hidhur. Komisionit Evropian i është drejtuar kërkesa e Mbretërisë së Vendeve të Ulëta për të rivendosur vizat.

Ky është turpi, ky është krimi i Edi Ramës dhe bandës së tij të babëzitur“, tha Basha, shkruan ABC News.al.