Basha pas takimit me ambasadoren e SHBA: Ju siguroj se po bëjmë gjithçka për t’u dhënë shqiptarëve shpresë

15:50 | 4 Shkurt 2020
Arbresh.info

Kreu i PD, Lulzim Basha ka zhvilluar sot një takim me ambasadoren amerikane, Yuri Kim.

Basha nuk jep detaje konkrete nga takimi, por thotë se “për një gjë ju siguroj, se gjithçka që po bëhet po bëhet për t’i shërbyer një qëllimi që shkon përtej Partisë Demokratike dhe opozitës”.

Postimi i plotë:

Dita e zhvillimeve politike sot dhe atyre që do të vijnë do të jetë plot me lajme, me prioritete, me zhvillime. Për një gjë ju siguroj, se gjithçka që po bëhet po bëhet për t’i shërbyer një qëllimi që shkon përtej Partisë Demokratike dhe opozitës, qëllimi për t’u dhënë shqiptarëve një rrugë shprese dhe dalje nga kriza. Kështu që në këtë kuptim ndjehem i inkurajuar nga takimet sot dhe do të vazhdoj t’ju mbaj të informuar./tch