Kryetari i Opozitës, Lulzim Basha, ka thënë se Rama në vitin 2013 erdhi në pushtet me premtimet për 300 mijë vende pune, për shëndetësi falas, ulje të kostos së jetesës, dhe futjen e Shqipërisë në BE.

Teksa, sipas Bashës, ai nuk ka realizuar asnjë prej këtyre premtimeve, kërkon sërish pushtet, për të njëjtat premtime.

Në një shënim në rrjetin social, kreu i PD thotë se me 25 prill Rama humb, dhe fiton Shqipëria.

Statusi i Bashës:

Rama në vitin 2013: Ju premtoj shëndetësi falas për të gjithë, 300 000 vende pune, kosto më të ulëta jetese dhe futjen e Shqipërisë në BE.

Rama dje, pasi nuk ka përmbushur as edhe një prej premtimeve të tij për 8 vjet: Dua të zgjidhem sërish që të mbaj premtimet.

Shqipëria më 25 prill: Rama humb, fiton Shqipëria dhe qeveria, më në fund, fillon të punojë për qytetarët!