Balla takon Sekretarin e Përgjithshëm të Ligës Botërore Myslimane: Projekt i përbashkët dedikuar fëmijëve të dëshmorëve të Policisë

19:07 | 6 Shkurt 2024
D.H

Ministri i Brendshëm i Shqipërisë, Taulant Balla ndodhet në një vizitë zyrtare në Mbretërinë e Arabisë Saudite, ku merr pjesë në Panairin Botëror të Sigurisë dhe Mbrojtjes që do të zhvillohet në Riad.

Ministri Balla gjatë ditës së sotme zhvilloi një takim me Sekretarin e Përgjithshëm të Ligës Botërore Myslimane Dr. Mohammad bin Abdulkarim Al-Issa.

Duke shpërndarë pamje nga takimi, Balla shkruan në rrjetet sociale se është një zë udhëheqës global i islamit të moderuar, që promovon mirëkuptimin, përkujdesjen dhe bashkëpunimin mes njerëzve kudo në botë.

“Mirënjohje për mbështetjen e një projekti të përbashkët dedikuar fëmijëve të dëshmorëve të Policisë së Shtetit”, përfundon Balla./rtsh/