Një makinë e djegur është gjetur në dalje të qytetit të Lushnjës. Makina që dyshohet se është përdorur nga atentatorët e vrasjes së Besnik Hidës është gjetur pranë By Pass-it.

Një makinë e djegur është gjetur në dalje të qytetit të Lushnjës. Makina që dyshohet se është përdorur nga atentatorët e vrasjes së Besnik Hidës është gjetur pranë By Pass-it.

Atentati ndodhi në lagjen “Skënder Libohova” në momentin kur viktima sapo ishte ulur për të konsumuar një kafe, mëngjesin e sotëm.

Top Channel mëson se në vendin ku u gjet makina janë gjetur dhe 2 armë kallashnikov si dhe një pistoletë makarov.

Makina tip Fiat me targa shqiptare dyshohet të jetë e vjedhur.

35 vjeçari, pronar i një pike varreze makinash është daja i Zamir Latifit i vrarë dy vite më parë në një atentat po në Lushnje.

Policia ka ngritur pika të shumta kontrolli në hyrje-dalje të qytetit , në aksin rrugor Lushnjë Tiranë, Lushnjë Fier dhe Lushnjë Berat për arrestimin e dy personave të cilët dyshohet se kanë qenë me maska në momentin e krimit./TCH